اسلام آباد۔7اکتوبر(اے پی پی) کل جماعتی کانفرنس غزہ اچ فوری، غیر مشروط جنگ بندی، اسرائیل کوں جنگی جرائم تے کٹہرے اچ ڳھن آوݨ اتے او آئی سی دا ہنگامی سربراہی اجلاس سݙݨ دا مطالبہ کیتے۔ ڄݙاں جو 29 نومبر کوں فلسطینی عوام نال یکجہتی دا ݙینھ مناوݨ دا فیصلہ کیتا ڳئے۔
اے ڳالھ انہاں فلسطینی عوام بالخصوص غزہ دے عوام نال یکجہتی کیتے ایوان صدر اسلام آباد اچ تھیوݨ آلی کل جماعتی کانفرنس اچ شریک سیاسی جماعتاں دے اعلامیہ اچ آکھی ڳئی اے۔ اعلامیہ موجب مختلف سیاسی و مذہبی جماعتاں دے سربراہان اتے نمائندیاں شرکت کیتی اتے اتفاق کیتے جو اسلامی کانفرنس تنظیم (او آئی سی)، اقوام متحدہ دی جنرل اسمبلی، اقوام متحدہ دی سلامتی کونسل، بین الاقوامی عدالت انصاف (آئی سی جے) اتے بین الاقوامی برادری ولوں ول ول جنگ بندی دے مطالبے دے باوجود اسرائیل دی فلسطینیاں تے جاری وحشیانہ جارحیت اتے نسل کشی تے چنتا کریندے ہین، اسرائیل ڄیڑھی بے رحمی نال جنگی جنون ودھیندا پئے اتے علاقائی امن و سلامتی کوں خطرے اچ سٹیندا پئے، بین الاقوامی قانون و اقوام متحدہ دے چارٹر دیاں مسلسل خلاف ورزیاں بشمول لبنان تے جارحیت، مغربی کنارے اچ حملے، تہران اچ حماس دے رہنما اتے لبنان اچ حزب اللہ دے سیکرٹری جنرل دے قتل تے چنتا اے جو ایندے نال علاقائی امن و سلامتی دا تے لڳی ہوئی اے۔
آکھیا ڳئے جو فلسطین و کشمیر دے عوام دے ناقابل تنسیخ حق خودارادیت اتے فلسطین بارے او آئی سی اتے اقوام متحدہ دی متعلقہ قرارداداں جیندے اچ مقبوضہ فلسطینی علاقیاں توں اسرائیلی افواج دے انخلا اتے تنازعہ دے پرامن اتے مذاکراتی حل دا مطالبہ کیتا ڳئے، ایندے کیتے غیر متزلزل حمایت کریندے ہیں، کانفرنس 2 اگ??ت 2024 کوں پاکستان دی قومی اسمبلی دے اجلاس اچ”فلسطینی عوام دے خلاف اسرائیلی ظلم و بربریت دی مذمت” سانڳے منظور کیتی گئی قرارداد اتے پاکستان دی پارلیمنٹ ولون منظور کردہ ٻیاں متعلقہ قرارداداں دا اعادہ کیتے۔ کانفرنس اسرائیل دی نسل کشی مہم دی سخت مذمت ککیتی جو ایندے نال 42 ہزار جاناں ضائع تھین ایندے اچ تریمیتں ٻال، جوان اتے ٻݙھے وی شامل ہین، 96 ہزار توں ودھ فلسطینی شدید زخمی تھئین، غزہ دی تقریبا پوری آبادی تباہ تھئی اتے وݙے پیمانے تے لوکاں کوں گھر ٻار چھوڑݨا پئے، اسکولاں، ہسپتالاں، عبادت گاہواں، پناہ گاہواں اتے پناہ گزین کیمپاں تے اسرائیلی حملیاں اتے امدادی کارکناں و صحافیوں دا ٻہوں وݙا قتل عام اتے بین الاقوامی انسانی قوانین دی مکمل خلاف ورزی دی مذمت کیتی گئی۔ کل جماعتی کانفرنس فوری و غیر مشروط جنگ بندی، فلسطینی عوام تے مظالم مکاوݨ، غزہ دا محاصرہ ختم کرݨ، بلا روک ٹوک انسانی امداد پچاوݨ اتے طبی امداد ݙیوݨ سودھا اسرائیل کوں بین الاقوامی قوانین دی خلاف ورزیاں، جنگی جرائم اتے نسل کشی دی کارروائیاں تے جوابدہ ٹھہراوݨ دا مطالبہ کیتے اتے عالمی برادری کوں آکھیے جو او اسرائیل کوں علاقائی امن و استحکام کوں بیا نقصان پچاوݨ توں روکݨ دے اقدامات کرے، جیندے اچ لبنان اتے ٻئے علاقائی ممالک دے خلاف اسرائیلی جارحیت روکݨ شامل اے۔ شرکا مقبوضہ فلسطین دی موجودہ صور??حا?? نال نمتݨ دے نال نال وسیع تر خطے دے امن و استحکام کیتے او آئی سی، عرب ریاستاں دی لیگ، اقوام متحدہ اتے ٻئے برادر ممالک ولوں جاری سیاسی و سفارتی کوششاں دی مکمل حمایت کیتی۔ ایندے نال نال اسلامی تعاون تنظیم (او آئی سی)کوں آکھیا ڳئے جو او فلسطین دی صور??حا??، خطے اچ اسرائیل دی وحشیانہ جارحیت اتے علاقائی امن و سلامتی تے ایندے اثرات تے الاوݨ کیتے ہنگامی سربراہی اجلاس سݙے۔ کانفرنس اقوام متحدہ دی جنرل اسمبلی دی 18 ستمبر 2024 دی قرارداد ای ایس 10/24 تے مکمل عمل درآمد دا مطالبہ کیتے ڄیڑھی اسرائیلی قبضے کوں مکاوݨ دا آہدی اے۔ بین الاقوامی عدالت انصاف (آئی سی جے) ولوں عبوری اقدامات تے عمل، آئی سی جے دی 19 جولائی 2024 دی مشاورتی رائے جو اسرائیلی قبضے دے غیر قانونی ہووݨ دی تصدیق کریندی اے تے عمل کیتا ونڄے۔ کانفرنس اچ 11 نومبر 2023 دے عرب اسلامی سربراہ اجلاس دے مشترکہ اعلامیے دی یاد ݙیوائی ڳئی جیندے اچ آکھیا ڳیا ہا جو ڄڳ اسرائیلی قابض حکام کوں اسلحہ ات?? گولہ بارود ݙیوݨ بند کرے۔ کانفرنس فلسطینیاں کوں ریلیف کیتے اقوام متحدہ دے ریلیف اینڈ ورکس ایجنسی برائے مہاجرین (یو این آر ڈبلیو اے) دے کردار دی حمایت دا آکھیے، فلسطینی عوام دی ہر ممکن سیاسی، سفارتی، اخلاقی و انسانی مدد کیتے پاکستان اپݨا کوششان ودھاوݨ دا عزم دوہرائے اتے غزہ دے عوام کیتے انسانی امداد دی 10 کھیپ بھیجݨ اتے لبنان دے عوام کوں طبی امداد ݙیوݨ دی تعریف کیتی اتے انسانی امداد جاری رکھݨ تے زور ݙتے۔ کانفرنس اچ فلسطینی عوام دے حق خودارادیت اتے ٻئے بنیادی حقوق سانڳے ہک قابل عمل، محفوظ، متصل اتے خودمختار فلسطینی ریاست ٻݨاوݨ کیتے غیر متزلزل حمایت دا اعلان کیتا ڳئے جیندا دارالحکومت القدس الشریف ہووے اتے فلسطینی ریاست کوں اقوام متحدہ دی مکمل رکنیت ملے۔ کانفرنس حکومت پاکستان توں مطالبہ کیتے جو فلسطین دے برادر عوام دی سیاسی، سفارتی و انسانی امداد جاری رکھے اتےر غزہ اچ نسل کشی مکاوݨ کیتے سفارتی کوششاں دی حمایت کرے۔ کانفرنس کشمیری عوام دے حق خودارادیت دی حمایت دا وی عزم دوہرائے۔ 7اکتوبر 2024 کوں اسلام آباد اچ تھیوݨ آلی کل جماعتی کانفرنس ایں قرارداد دی منظوری ݙتی۔
.jpg)
.jpg)
