اسلام آباد۔ 13 ستمبر (اے پی پی) وفاقی وزیر قومی ورثہ و ثقافت، اورنگزیب خان کھچی، پاکستان ٹیلی وژن دے سینئر اداکار عشرت عباس دے انتقال تے ݙکھ تے افسوس کیتے۔آپݨے تعزیتی بیان اچ انہاں آکھیا جو عشرت عباس دیاں فنی خدمات کوں ہمیشہ یاد رکھیا ویسی۔ اونھاں آکھیا جو عشرت عباس اردو، پشتو تے ہندکو ڈرامیں دے ذریعے اپݨی فنکارانہ صلاحیتاں دا لوہا منوائے تے چار ݙھاکیں توں ودھ عرصے تئیں آپݨی جاندار اداکاری نال ناظرین کوں مسحور کیتا۔ انہاں صرف ٹیلی وژن بلکہ ریڈیو پاکستان دے ڈرامیں اچ وی صدا کاری دا جوہر ݙکھایا تے اپݨی آواز کوں امر کرݙتا۔
.jpg)
