اسلام آباد ۔ 16 مارچ(اے پی پی)پاکستان آکھیا جو بھارت دے جنگی عزائم،غیر معقول دفاعی تیاریاں اتے وڈے پیمانے تے اسلحے دی درآمد نال خطے دی سلامتی اتے امن کوں سنگین خطرات لاحق ہن ،بھارت کوں بہوں جلدی احساس تھیسی جو مذاکرات ای خطے اچ امن تے کشمیر سمیت سارے مسئلیاں دے حل دا ہکو ذریعہ ہن ،پاکستان پر امن ہمسائیگی دی پالیسی تے عمل پیرا اے،افغانستان اچ دہشت گرداں دے محفوظ ٹھکانڑے موجود ہن جیڑھے جو پاکستاب دی سلامتی کوں ضیان پجیندے پئن ۔ دفترخارجہ دے ترجمان محمد نفیس ذکریا خمیس کوں اتھاں ہفتہ وار پریس بریفنگ وچ مختلف سوالاں دا جواب ڈیندیں ہوئیں ڈسایا جو پاکستان سمجھدے جو خطے اچ امن اتے جموں تے کشمیر سمیت سارے مسئلیاں دا حل مذاکرات دے ذریعے ای ممکن اے ،بھارت کوں کئی واری دعوت ڈتی گئی جڈانجو بھارت کہیں مثبت اقدام دا جواب نی ڈتا۔افغانستان بارے ہک سوال دا جواب ڈیندیں ہوئیں ترجمان آکھیا جو پاکستان علاقائی خوشحالی دے حصول سانگے پر امن ہمسائیگی دی خواہش رکھیندے جڈانجو بدقسمتی نال بھارت مقامی سیاست اچ پاکستان کارڈ استعمال کریندا پئے ۔ترجمان آکھیا جو بھارت دے جنگی عزائم ،غیر معقول دفاعی تیاریاں اتے وڈے پیمانے تے اسلحے دی درآمد نال خطے دی سلامتی اتے امن کوں سنگین خطرات لاحق ہن ۔
