اسلام آباد۔21اگست (اے پی پی) وزیر داخلہ رانا ثناءاللہ آکھیا جو عمران خان کوں کارسرکار اچ مداخلت اتے دھمکیاں تے قانون کوں جواب ݙیوݨا پمسی۔ انہاں آکھیا جو تریمت مجسٹریٹ، آئی جی اتے ڈی آئی جی پولیس کوں دھمکی ݙیوݨ آلیاں کوں قانون دا سامݨا کرݨا پوسی۔ عمران خان دھمکی ݙتی، ساری دنیا لائیو ݙٹھے۔ ہݨ قانون دے سامھے آوݨ کیتے تیار تھیون۔ اتوار کوں آپݨے ہک بیان اچ انہاں آکھیا جو عمران خان کوں کارسرکار اچ مداخلت اتے دھمکیاں تے قانون کوں جواب ݙیوݨا پمسی۔ انہاں آکھیا جو بشری بی بی، فرح گوگی دی کرپشن دی ڳالھ کرو تاں عمران خان کوں اسلامی ٹچ یاد آویندے۔ انہاں آکھیا جو اے نی سڳدا جو شہیداں دی توہین کرو، بغاوت تے اکساون اتے ولا اسلام آباد اچ کھڑ تے ریاستی رٹ کوں چیلنج وی کرن۔
