راولپنڈی۔22اگست(اے پی پی) نگران وزیراعلیٰ محسن نقوی ہولی فیملی ہسپتال راولپنڈی دا دورہ کیتے، انہاں ہسپتال دے ناقص انتظامات تے کوڑیج ڳئے ۔ محسن نقوی ہسپتال پڄے تاں مریضاں دے پچھ پریت کرݨ آلے شکایتاں دے انبار لاݙتے ، مریضاں دے ٹیسٹ تے دوائیں ٻاہروں مل گھنݨ ، ہسپتال دے گارڈز دے ناروا رویے، خراب بیڈ، خون آلیاں بیڈ شیٹاں ، مریضاں دے علاج اچ تاخیر دیاں شکایتاں کیتن ، استقبالیہ تے لمبیاں قطاراں ، وینٹی لیٹرز کیتے خواری اتے کجھ وارڈز اچ اے سی بند تھیوݨ تے نگران وزیراعلیٰ پنجاب انتظامیہ تے کوڑیج ڳئے ۔وزیر اعلیٰ محسن نقوی ایم ایس ہسپتال تے وائس چانسلر راولپنڈی میڈیکل یونیورسٹی کوں ہسپتال دی حالت کوں چنڳاں بݨاوݨ کیتے 7 ݙینھ دی ڈیڈ لائن ݙے ݙتی ، انہاں مریضاں دے علاج تے ٻیاں سہولتاں کوں چنڳاں بݨاوݨ کیتے ہنگامی بنیاداں تے اقدامات دا حکم ݙتے۔محسن نقوی مسافر خانے دا دورہ کیتا تے قیام و طعام دیاں سہولتاں دا جائزہ ڳھدا ، صوبائی وزیر پرائمری اینڈ سیکنڈری ہیلتھ ڈاکٹر ناصر جمال، صوبائی وزیر اطلاعات عامر میر، وائس چانسلر راولپنڈی میڈیکل یونیورسٹی ڈاکٹر محمد عمر اتے ایم ایس ڈاکٹر اعجاز بٹ وی انہاں دے رلے ہن۔
