اسلام آباد – 21 آگسٽ (اي پي پي) پاڪستان ڪابل ۾ صدارتي محل ويجهو عيدالاضحيٰ جي ميڙ دوران راڪيٽ حملي جي سخت مذمت ڪندي سمورين پارٽين تي زور ڏنو آهي ته اهي افغان حڪومت جي جنگبندي تي عمل ڪن. وزيراعظم عمران خان دهشتگردي جي ان حملي جي سخت مذمت ڪندي چيو آهي ته عيدالاضحيٰ جي خوشي جي موقعي تي معصوم شهرين کي نشانو بڻائڻ مذمت جوڳو آهي. هن چيو ته دهشتگردي جي خاتمي لاءِ ڪيل ڪوششن ۾ اسان افغان حڪومت ۽ عوام سان گڏ آهيون.
