اسلام آباد۔29ستمبر (اے پی پی) سیکورٹی فورسز افغانستان توں ٹی ٹی پی دے دہشت گرداں دی در اندازی دی کوشش ناکام ٻݨا ݙتی اے۔ پاک فوج دے شعبہ تعلقات عامہ (آئی ایس پی آر) توں جاری پریس ریلیز موجب واقعہ اٹھاوی ستمبر دی شام پوݨے چھی وڄے ضلع ژوب دے علاقہ سمبازہ اچ تھیا۔ پاک افغان سرحد دے نیڑے دہشتگراں نال جھڑپ اچ بہادری نال لڑدیں ہوئیں چار شہید تھی ڳئے۔ شدید فائرنگ دے تبادلے اچ ترائے دہشت گرد وی ہلاک تھیے اتے کئی زخمی تھین۔
