اسلام آباد۔7مارچ(اے پی پی) سپیکرقومی اسمبلی راجہ پرویزاشرف آکھیے عام انتخابات دا انعقاد ھکے ݙٰینھ تھیوݨ ملک دے وسیع ترمفاد وچ اے ، الیکشن دے انعقاد اچ الیکشن کمیشن، حکومت اتے ساریاں سیاسی جماعتاں اہم فریق ہن ، ملک دے معاشی اتے سیاسی استحکام کیتے ڳالھ مہاڑ دا رستہ اختیار کرݨا ہوسی ، اوکھے حالات اچ فوڈ سکیورٹی ھک وݙا چیلنج اے جیں نال نبݨݨ کیتے کساناں کوں سہولتاں ݙیوݨیاں ہوسن ۔ پاکستان انسٹی ٹیوٹ آف پارلیمنٹری سروسز(پپس) اچ ماحولیاتی اعتبار توں زرعی اتے فوڈ سکیورٹی دے چیلنجز اتے آندے لائحہ عمل دے حوالے نال مکالمے دی تقریب توں خطاب کریندے ہوئیں سپیکرقومی اسمبلی آکھیے عام انتخابات دا ھکے ݙینھ تھیوݨ ملک دے مفاد اچ ہے ، سارے سٹیک ہولڈرزایں معاملے تے یکسوئی نال ڳالھ مہڑ دا رستہ کڈھن کیوں جو سیاسی عدم استحکام توں ملک کوں پہلے ہی ٻہوں وݙا ضیان چاوݨا پئے ، پارلیمنٹ سیاسی جماعتاں اچ ڳالھ مہاڑ دا رستہ ہموار کرݨ کیتے تیار اے ، ملک کوں پیش آندے چیلنجز دا حل پارلیمان دے ذریعے ہی ممکن تھی سڳدے ، ملک دے معاشی اتے سیاسی استحکام کیتے ڳالھ مہاڑ دا رستہ اختیار کرݨ ٻہوں ضروری اے کیوں جو معاشی استحکام سیاسی استحکام نال جڑیا ہویا اے ، انہاں آکھیے پاکستان ھک زرعی ملک اے ، زرعی ملک اچ کݨک دی کمی نی ہووݨی چاہیدی جے اساں آپݨے کساناں کوں سہولت ݙیسوں تاں انہاں دی پیداواراچ ودھارا تھیسی ، ڈالر اچ کݨک دی خریداری کرتے عوام کوں ریلیف ݙیوݨ ھک اوکھا کم اے کساناں دی سپورٹ دے ذریعے ہی ملک اچ کݨک دی کمی کوں پورا کیتا ونڄ سڳدے ، پاکستان موسمیاتی تبدیلیاں نال ساریں توں ودھ متاثر تھیوݨ آلا ملک اے ، موسمیاتی تبدیلیاں دی ساری قسماں ساکوں متاثر کیتے ۔
.jpg)
