اسلام آباد۔16مارچ (اے پی پی) وفاقی وزیر برائے موسمیاتی تبدیلی سینیٹر شیری رحمن آکھیا جو کوئی وی آئین اتے قانون توں اُتے کائنی، آئین اچ ترمیم کرݨ پارلیمنٹ دا اختیار اے۔ اساکوں احتساب، اتحاد اتے گورننس اچ بہتری کیتے عزم کرݨ دی لوڑھ اے۔ خمیس کوں سینیٹ دی 50 ویں سالگنڈھ دے موقع تے خصوصی اجلاس توں خطاب کریندیں ہوئیں انہاں آکھیا جو ایوان اچ اڄوکی شخصایت کوں گولڈن جوبلی مبارک تھیوے۔ اے تقریب چیئرمین سینیٹ دا قابل تحسین کم اے۔ اے تقریب جمہوری اقدار بارے اہمیت دی حامل اے۔ سینیٹ وفاق دی علامت اے جئیں اچ سارے صوبائی اکائیاں دی نمائندگی شامل اے۔
