اسلام آباد۔28جولائی(اے پی پی) وفاقی وزیر خزانہ محمد اورنگزیب آکھیے زرعی شعبہ کوں ٹیکس نیٹ اچ گھن آوݨ سانڳے قانون سازی کیتی ویسی ، آئی ایم ایف توں نجات سانڳے اساکوں آپݨی برآمدات ودھاوݨ تے برآمدی صنعتاں اچ ٻاہرلی سرمایہ کاری دے پاسے ونڄݨا ہوسی ، ریٹیلرز ، رئیل اسٹیٹ ، بلڈرز سودھے ٻئے شعبیں کوں ٹیکس نیٹ اچ گھن آوݨ نال ہی ٹیکس دہندگان کوں ریلیف مل سڳدے،توانائی بحران تے قابو پاوݨ سانڳے مستقل لائحہ عمل بݨاوݨ دی لوڑھ اے ، ٹیکس نادہندگان ملک تے عوام نال مخلص کائنی ، وزیراعظم ایف بی آر اچ اصلاحات دی خود نگرانی کریندے پئن ۔ وفاقی وزیر خزانہ محمد اورنگزیب پریس کانفرنس توں خطاب اچ آکھیے مقامی تے عالمی سطح تے چاتے ونڄݨ آلے اقدامات دا ݙساوݨ کیتے پریس کانفرنس کریندا پیاں جݙاں جو دورہ چین تے ݙساوݨ ضروری اے ، ملکی سطح تے ایں ویلھے ٹیکس اتے ایف بی آر تے ڳالھ مہاڑ تھیندی پئی اے اساں جے ٹیکس ودھاوݨے ہم تاں اینکوں 13 فیصد تئیں گھن ونڄݨا اے تساں اساکوں سہولتاں وی ݙیکھݨیاں ہوسن سیلز ٹیکس ، آئی ٹی ، انکم ٹیکس ، ریفنڈ اتے ڈیوٹی ڈرا بیگز یکم جولائی توں ݙیوݨ شروع کرݙتن ایندے اچ تاخیر ایشو رہیے،68 ارب روپے ہݨ تئیں ریفنڈ کیتے ڳئن ، اے صنعتاں سانڳے اہم اے ، ریفنڈ ایڈمنسٹریشن دے نویں میکنزم تے کم تھیندا پئے ،تاجر دوست سکیم متعارف کرائی ڳئی اے، تاجراں دا شکریہ ادا کریندوں ٹیکس نیٹ ودھاوݨ اچ رلے تھیندے پئن ۔ انہاں آکھیے میں تنخواہ دار طبقے نال تعلق دی وجہ توں انہاں نال ہمدردی رکھینداں ، وزارت دا منصب سنبھالݨ توں پہلے میں وی ایں طبقے نال تعلق رکھیندا ہم ، ٹیکس نیٹ ودھاوݨ سانڳے ریٹیلرز اتے رئیل اسٹیٹ ، ڈویلپر اتے بلڈرز تے ٹیکس لاتا ڳئے ،صوبائی وزرائے اعلیٰ دے شکر گزار ہیسے جو او زرعی شعبے کوں ٹیکس نیٹ اچ گھن آوݨ سانڳے قانون سازی کریسن اے سارے اقدامات سدھے پاسے کیتے ہن۔جیڑھے شعبے توں ٻاہر ہن جے انہاں کوں ٹیکس نیٹ اچ نہ گھن آیا ویسی تاں صورت حال ایویں چلدی رہسی ۔ایف بی آراچ اصلاحات تے ݙسایا جو وزیراعظم خود ایندی نگرانی کریندے پئن تے ہرہفتے جائزہ اجلاس تھیندا پئے ، ڈیجیٹائزیشن دی وجہ توں گزریل ݙو مہینے اچ 49 لکھ نان فائلر دی نشاندہی تھئی جنہاں کنے اثاثے موجود ہن او گاݙیاں رکھیندن ٻاہرلے ملک سفر کریندن لیکن فائلر کائنی ، انہاں کوں نوٹس جاری کرݙتن ، ڈیجیٹائزیشن پاروں کرپشن گھٹسی۔ ایں عمل توں 600 ارب روپے نقلی ٹیکس دی نشاندہی تھئی جیں اچوں صرف ھک ارب دی ریکوری تھئی ۔ ایندے علاوہ کسٹم ٹیکس 50 توں 200 ارب روپے دی انڈر انواسنگ سامݨے آئے۔ وفاقی وزیر آکھیے جیڑھے سیکٹر ٹیکس نیٹ توں ٻاہر ہن انہاں کوں ٹیکس نیٹ اچ گھن آوݨ کیتے میڈیا سودھے اساں ساریں کوں آپݨا کردار نبھاوݨا ہوسی اساں تاجراں دی رجسٹریشن دا عمل سوکھا بݨا ݙتے، انکم ٹیکس گوشوارے جمع کراوݨ سانڳے کنسلٹنٹس تے وکیلاں دی خدمات نہ لوڑھ نہ پووے۔ وزیر خزانہ آکھیے رائٹ سائزنگ تے کمیٹی کم کریندی پئی اے اساں 5 وزارتاں دا جائزہ ڳھدے جیں اچ وزارت امور کشمیر وگلگت بلتستان، وزارت سیفران ،صنعت وپیداوار، آئی ٹی و ٹیلی کام تے صحت شامل ہن ، انھاں دے انضمام یا کہیں وی تجویز دا حتمی فیصلہ وزیراعظم کریسن ۔ ڈاکٹر عشرت حسین دی وی 2019 اچ ھک جامع رپورٹ آئی ایندا وی جائزہ ڳھدے اساں ملازمین دے حقوق کوں سامݨے رکھ تے اقدامات چیسوں جیڑھیاں وزارتاں یا شعبے صوبیں کوں منتقل تھئن او صوبیں کنے ونڄݨے چاہیدن اے وفاق دے خرچے اچ کمی سانڳے وی اہم اے اے ڳالھیں کرݨ دا نی بلکہ کم کرݨ دا ویلھا اے ایں تے عمل درآمد دا منصوبہ وی بݨایا ویسی ، پٹرولیم مصنوعات دیاں قیمتاں ودھݨ دا تعلق آئل دی انٹرنیشنل مارکیٹ ،روپے دی قدر گھٹ تھیوݨ توں اے ایندے توں غیر ضروری فیدہ چاوݨ دی اجازت کہیں کوں نہ ݙیسوں اینکوں روکݨ سانڳے ضلعی تےصوبائی سطح تے پرائس مانیٹرنگ کمیٹیاں اپݨا کردار ا دا کریسن ۔ وفاقی وزیر اویس لغاری دے رلے چین دا دورہ کیتے ،اتھاں توانائی تے پانڈہ بانڈ دے اجرا تے ڳالھ تھئی ، چینی حکام ایف بی آر حکام نال تھیوݨ آلی ڳالھ مہاڑکوں چنڳاں آکھیے ، پاکستان دے چین نال دوستانہ تعلقات ہن ، انہاں آئی ایم ایف بورڈ اچ وی مکمل حمایت دا اعادہ کیتے، چین ، سعودی عرب اتے متحدہ عرب امارات ہمیشہ اوکھے ویلھے ساݙے چنڳے یار ثابت تھئن ۔ وزیرخزانہ آکھیے ماضی اچ آئی ایم ایف نال کیتے ڳئے معاہدے دا خمیازہ اساں اڄ تئیں بھوڳیندے پیوں حکومت ولوں چاتے ڳئے اقدامات پاروں میکرو اکنامک استحکام آیا، روپے دی قدر تے زر مبادلہ دے ذخیرے مستحکم رہیے، جے اساں چاہندوں اے آئی ایم ایف دا چھیکڑی پروگرام ہووے اساکوں برآمدات ودھاوݨ ، ٻاہرلی سرمایہ کاری جیڑھی اساکوں برآمدات دے پاسے گھن ونڄے اساکوں ایں تے سوچݨا ہوسی ۔ انہاں آکھیے اساکوں سٹیٹس کوں ختم کرݨا ہوسی چین کوں ری پروفائلنگ دی تجویز ݙتی اے ، 9 سی پیک اتے ھک ٹرانسمیشن دے منصوبیں تے سینٹرل بینک چائنہ نال رل تے ھک ھک کرتے کم کیتا ویسی اساں اتھاں چینی لوکل ایڈوائزر دی تعیناتی تےڳالھ کیتی ھک سوال دے جواب اچ انہاں آکھیے آئی پی پیز دے معاہدیں دے وقار پاروں انہاں کوں مکمل نظر انداز نی کرسڳدے ، کروڑاں دے کاروبار تے 100 روپے توں 50ہزار روپے تئیں تاجر دوست ٹیکس سکیم گھن آئی ویندی پئی اے ایندے اچ تاجراں کوں رلے تھیوݨا چاہیدے اساں مسئلے تے قابو پاوݨ سانڳے ݙینھ رات محنت کریندے پیوں وزیر توانائی آکھیے بجلی دی تقسیم کار کمپنیاں دے بورڈز کوں بدالݨا چاہیدے تاں جو حکومتی تے سیاسی طور تے تعینات لوکاں کوں کڈھ تے نجی شعبہ تے لوکاں کوں گھن آیا ونڄے جیں تے انہاں آکھیے اے نی تھی سڳدا ، ایں تے کئی مہینے لڳ ڳئن اساں صدارتی آرڈیننس گھن آئے تاں اسلام آباد ہائی کورٹ اوں تے حکم امتناعی ݙے ݙتا، بعد اچ اینکون پارلیمنٹ اچ گھن ڳئے اے قانون بݨیا ہݨ ݙو ݙینھ پہلے اے بورڈ بݨا ݙتے ڳئن ۔رائٹ سائزنگ توں جے 20 توں 25 فیصد کمی نہ آئی تاں ایندا کوئی فیدہ کائنی ، پی ڈبلیو ڈی محکمہ دے خاتمے دا مقصد ارباں روپے دے منصوبیں اچ کرپشن روکݨ اے جے اے پیسے منصوبیں تے لڳدے تاں وزارتاں دی عمارتاں دا جیڑھا حال اے نہ ہوندا ۔ آئی ٹی سیکٹر تے موبائل مینوفیکچرنگ دے شعبہ اچ کم ویجز دی وجہ توں اتھاں دی صنعت لاتے ایندی برآمدات ہݨ وݙے مینوفیکچررز دی مجبوری بݨ چکی اے۔
