اسلام آباد۔10جنوری (اے پی پی) وزیر اعظم محمد شہباز شریف دی پی آئی اے دی پیرس کیتے پرواز دی روانگی تے عوام کوں مبارخ ݙیندیں ہوئیں آکھیا جو پی آئی اے یورپ کیتے پروازاں دی بحالی نال ٻاہرلے ملک پاکستانیاں کوں سہولت تھیسی۔ جمعے کوں وزیراعظم آفس دے میڈیا آفس توں جاری بیان موجب وزیراعظم آکھیا جو ٻاہرلے ملک پاکستانی براہ راست پروازاں توں فیدہ چیسن۔ پروازں بند تھیوݨ نال قومی ایئرلائن کوں ارباں ڈالر دا ضیان اتے اوندی ساکھ متاثر تھئی اے۔ اللہ دے فضل و کرم نال حکومت قومی ایئرلائن دا تشخص بحال کیتے۔ ایں بارے نائب وزیراعظم تے وزیر خارجہ محمد اسحاق ڈار، وزیر ہوابازی تے وزیر دفاع خواجہ محمد آصف، متعلقہ سارے ادارے، انہاں دے افسر اتے اہلکار تعریف دے قابل ہن۔
