اسلام آباد۔13جون(اے پی پی)الیکشن کمیشن پنجاب اسمبلی دے 20 حلقیاں اچ ضمنی انتخابات کیتے پوسٹل بیلٹ دیاں درخواستاں جمع کراوݨ دی چھیکڑی تاریخ یکم جولائی مقرر کر ݙٹی اے۔ انہاں 20 حلقیاں اچ پوسٹل بیلٹ نال حق رائے دہی استعمال کرݨ آلیاں اچ سرکاری ملازمین، مسلح افواج دے جوان و آفیسر، انہاں دے اہلخانہ، قیدی یا زیر حراست لوک شامل ہین، انہاں کہیں وی حلقیاں اچ بطور ووٹر رجسٹرڈ ہوون اتے 17 جون کوں پولنگ دے ݙینھ سفر کرتے حلقہ اچ ووٹ نہ ݙے سڳدے ہوون، او پوسٹل بیلٹ نال اپݨے ووٹ دا حق استعمال کرݨ کیتے 1 جولائی تئیں درخواستاں جمع کراسڳدن۔
