اسلام آباد۔10جون (اے پی پی) آئندے مالی سال 2022-23ء دے وفاقی بجٹ اچ موبائل فونز تے 2018ء اچ لاتی ڳئی لیوی اچ ڳھٹکی کر ݙتی ڳئی اے جئیں دے مطابق 700 ڈالر یا ہک لکھ 40 ہزار روپے توں ودھ مالیت دے موبائل فون تے 16 ہزار تئیں لیوی وصول کیتی ویسی۔ جمعے کوں قومی اسمبلی اچ پیش کیتے ڳئے مالی بل 2022ء دے مطابق 30 ڈالر تئیں دے فون تے 100 روپے، 30 توں 100 ڈالر مالیت دے فون تے 200 روپے، 10 توں 200 ڈالر تئں 600 روپے، 200 توں 350 ڈالر تئیں 1800 روپے، 350 توں 500 ڈالر تئیں 4 ہزار روپے، 500 توں 700 ڈالر تئیں مالیت دے فون تے 8 ہزار جڈانجو 700 توں اُتے مالیت دے موبائل سیٹ تے 16 ہزار روپے تئیں لیوی لاتی ڳئی اے۔
