اسلام آباد۔4نومبر(اے پی پی)صدر مملکت ڈاکٹر عارف علوی جامعات اتے تعلیمی اداریاں تے سماجی علوم اتے مارکیٹ دی لوڑھ دے مطابق نصاب ٻݨاوݨ دی ہدایت کریندے آکھیے جو طلباء کوں سماجی علوم اتے مارکیٹ دی طلب دے مطابق ہنر ݙتا ونڄے، اکادمی متعلقہ سٹیک ہولڈرز دے تجربات توں فیدہ ڳھنݨ، کارکردگی بہتر ٻݨاوݨ کیتے بہترین عالمی طریقے اپناوے۔ اے ڳالھ انہاں اکادمی ادبیات پاکستان دے چیئرمین ڈاکٹر یوسف خشک اتے بورڈ آف گورنرز دے وفد نال ملݨ ویلھے آکھی۔ صدر مملکت معاشرے اچ فن و ادب دےو دھارے کیتے اکادمی ادبیات دے کردار دی تعریف کریندے اکادمی دی خدمات و مصنوعات دی رسائی ودھاوݨ کیتے مربوط اتے موثر مارکیٹنگ حکمت عملی اپناوݨ تے زور ݙتے۔ انہاں آکھیے جو ڈیجیٹلائزیشن اکادمی دی ادبی مصنوعات اتے خدمات کوں ویب اتے سیل فون ایپلی کیشنز نال کھنݙاوݨ اچ مدد ݙی سڳدی اے۔
