اسلام آباد ۔ 8 اگست (اے پی پی) فوجداری قانون (ترمیمی) بل 2017 قومی اسمبلی اچ پیش کرڈتا گیا‘ ایں بل دا مقصد بالاں کوں ہراساں کرنڑ دے مرتکب لوکاںکوں سزا تجویز کرنڑاں ہے ۔منگل کوں قومی اسمبلی اچ مسرت احمد زیب تحریک پیش کیتی جو فوجداری قانون ترمیمی بل 2017پیش کرنڑ دی اجازت ڈتی ونجے ۔پارلیمانی سیکر ٹری داخلہ ڈاکٹر افضل ڈھانڈلہ بل دی مخالفت نہ کیتی ۔مسرت احمد زیب آکھیا جو بالاں دے نال زیادتی دے مرتکب لوکاں کوں بل دی منظوری نال سزا ڈتی ونج سگسی ۔مسرت احمد زیب آکھیا جو پہلے بل اچ انہاں پھاسی دی سزا تجویز کیتی ہئی ۔ہنڑ ترمیم کر ڈتی گی ہے ،ایوان توں اجازت مل ونجنڑ دے بعد مسرت احمد زیب بل ایوان اچ پیش کیتا جیرھا جو متعلقہ کمیٹی دے حوالے کر ڈتا گیا ۔
