اسلام آباد۔10دسمبر (اے پی پی):پاکستان سیٹیزن پورٹل تے شہریاں دی اندراج شدہ تعداد اچ ریکارڈ ودھار تھئے ۔ وزیراعظم آفس موجب وزیراعظم ڈیلیوری یونٹ دی طرفوں ماہانہ عداد و شمار جاری کیتے ڳئن پاکستان سیٹیزن پورٹل تے شہریاں دی تعداد 37 لکھ توں ودھ ڳئی اے ۔ پنجاب توں22 لکھ ، خیبر پختونخوا توں 6 لکھ اتے سندھ توں 5 لکھ شہریاں دا پاکستان سیٹیزن پورٹل تے رجسٹرڈ کیتاڳیا اے۔ بلوچستان توں51 ہزار جݙاںجو وفاق توں 77ہزار شہری رجسٹرڈ تھی ڳئن ۔وزیراعظم آفس موجب شہریاں دی طرفوں پاکستان سیٹیزن پورٹل تے 4.4 ملین شکایات درج کیتیاں ڳئن ۔ پاکستان توں 42 لکھ اتے اورسیز پاکستانیاں دی طرفوں 2 لکھ 15 ہزار شکایتاں ملیان ۔ پاکستان سیٹیزن پورٹل تے ہݨ تئیں 40 لکھ شکایات نبیڑیاں ڳئن۔ پاکستان سیٹیزن پورٹل دی کارکردگی تے 46 فیصد شہریوں اطمینان دا اظہار کیتے ۔
