اسلام آباد۔2اپریل(اے پی پی)وزیر مملکت اطلاعات ونشریات فرخ حبیب آکھیے جو اے پی پی ریاستی میڈیا دا اہم حصہ اے جیڑھا ملکی تشخص کوں اڳونہا کرݨ اچ کردار ادا کریندا پئے، ریاستی میڈیا کوں ٻیا تکڑا کرݨ کیتے کم کریندے راہسوں۔ اے ڳالھ انہاں ایسوسی ایٹڈ پریس آف پاکستان (اے پی پی) دے دورہ ویلھے آکھی۔ ایم ڈی اے پی پی مبشر حسن، ایگزیکٹو ڈائریکٹر عدیلہ رباب کاظمی، ڈائریکٹر نیوز شفیق قریشی وزیر مملکت دا استقبال کیتے۔ وزیر مملکت برائے اطلاعات و نشریات فرخ حبیب اے پی پی ڈیجیٹلائزیشن دا وی افتتاح کیتے اتے اے پی پی اچ نویں ڈیجیٹل سٹوڈیو، اردو نیوز سروس اتے ٻعے شعبیاں وی ݙٹھن۔ وزیر مملکت آکھیا جو اے پی پی ریاستی میݙیا دا وݙا ستون اے جیکوں تکڑا کرݨ کیتے سارے اقدامات تھیندے پن۔
