ڪوهاٽ – 27 مارچ (اي پي پي) وزيراعظم شاهد خاقان عباسي چيو آهي ته پاڪستان ۾ توانائي جي شعبي ۾ موجوده حڪومت تمام گهڻو ڪم ڪيو آهي جنهن جي ڪري گئس جي کوٽ ۽ لوڊشيڊنگ جي مسئلي تي ڪافي حد تائين ضابطو آندو ويو آهي ۽ لوڊشيڊنگ جو مسئلو به حل ڪري ڇڏيو آهي، ايندڙ ڪجهه مهينن کانپوءِ ڪا لوڊشيڊنگ نه هوندي، گئس جي شعبي ۾ نئين دريافتن سان توانائي جي تحفظ کي يقيني بڻائڻ ۾ مدد ملندي، پاڪستان ۾ مقامي ۽ غير ملڪي سيرپڪارن کي هر ممڪن سهولتن جي فراهمي کي يقيني بڻائي رهيا آهيون. اهڙن خيالن جو اظهار هن گئس پراسيسنگ پلانٽ تولنج جي افتتاحي تقريب کي خطاب ڪندي ڪيو.
