پنڊ دادن خان – 10 مارچ (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته تعلقي پنڊ دادن خان ۾ ٽي وڏا ميگا پراجيڪٽس شروع ڪيا پيا وڃن، ترقياتي منصوبن تي 50 کان 55 ارب رپيا لاڳت ايندي، منصوبن سان مقامي ماڻهن کي نوڪرين جا موقعا فراهم ڪيا ويندا، ايندڙ 5 سالن ۾ پنڊ دادن خان کي پنجاب صوبي جي ترقي يافته تعلقن ۾ شامل ڪرڻ ۾ ڪامياب ٿي وينداسين. اهڙن خيالن جو اظهار هن پنڊ دادن خان جي علائقي جلالپور شريف/ ڍيري اڙائيان ۾ چوڌري عاطف نواز ۽ چوڌري اقبال پاران سندس مان ۾ ڏنل مانجهاندي کي خطاب ڪندي ڪيو.
