سوہاوہ۔5 مئی (اے پی پی)وزیراعظم عمران خان آکھیے جو معاشی بحران اتے چنگے گندے حالات قوماں تے آندے راہندن بھل جیکر نظریہ لگا ونجے تاں قوم دا مستقبل باقی نئیں راہندا،القادر یونیورسٹی جدید سائنسی علوم دے نال نال روحانی علم،اسلامو فوبیا دے خلاف موثر ذریعہ ثابت تھیسی،اتھاں اسلام دی تاریخ اتے صوفیا دے کردارتے تھیونڑ آلی تحقیق نال جگ اچ اسلام دے خلاف چاتی ونجنڑ آلیاں سازشاں اتے رسول ﷺ دی شان اچ گستاخی دا جواب ڈیونڑ آلے سکالر پیدا تھیسن، مشرقی پاکستان نظریے توں ہٹنڑ ، انصاف اتے حقوق نہ ملنڑ پاروں انجھ تھئے،ریاست مدینہ دی بنیاد عدل و انصاف تے ہئی، معاشرے دے متوسط اتے کمزور طبقات دی فلاح دی ذمہ داری جگ اچ ساریں توں پہلے ایں ریاست چاتی ہئی۔اے گالھ وزیراعظم عمران خان سوہاوہ اچ القادر یونیورسٹی دے سنگ بنیاد رکھنڑ دی تقریب نال خطاب اچ آکھی۔ انہاںا ٓکھیے جو سیاست اچ پاکستان دی نوجوان نسل کوں پاکستان دے قیام دے مقصد اتے نظریے دی سنجانر کراونڑ کیتے آیا ہم،جیہڑے اصولاں تے مدینہ دی ریاست وجود اچ آئی ہئی افسوس اے جو اوکوں اساں بھل گئے ہیں بھل یورپ اوں عدل وانصاف اتے اصولاں کوں اپنایاہوئے ایندے اچ میرٹ،اقلیتاں کوں ہکو جھیں حقوق،ہکو جھیاں نظام اہم ہین، دنیا دے بہترین سائنسداناں اچ ست سو سال تئیں مسلمان اگو رہین،اساں القادر یونیورسٹی اچ جدید علوم کیتے چین دی مددگھنسوں،القادر یونیورسٹی روحانیت دے سپہ سالار عبدالقادر جیلانی نال منصوب اے،ایندے اچ سائنس اتے اسلام کوں نال نال رکھیا ویسی،روحانیت کوں سپر سائنس بنڑیسوں،وڈے صوفیا کرام تے تحقیق دا کم تھیسی،یونیورسٹی دے فارغ التحصیل طالب علم لیڈربنڑسن،اساں مغربی کلچر دا مقابلہ کرنڑے اتے اسلام دے سنیہے کوں پھیلاونڑے، القادر یونیورسٹی اچ 35 فیصد ہونہاربالاں کوں سکالر شپس ڈتے ویسن۔
.jpg)
