اسلام آباد۔22دسمبر (اے پی پی) وزیراعظم دے نمائندہ خصوصی برائے بین المذاہب ہم آہنگی تے مشرق وسطیٰ امور اتے پاکستان علماء کونسل دے چیئرمین حافظ محمد طاہر محمود اشرفی اتے معروف مذہبی سکالر مولانا طارق جمیل بدھ کوں اتھاں سری لنکن ہائی کمشنر موہن وجے وکرما نال ملاقات کر تے سیالکوٹ سانحے تے افسوس کیتا، سری لنکا دے ہائی کمشنرموہن وجے وکرما آکھیا جو سری لنکا دی حکومت ، حکومت پاکستانی ولوں ایں بارے کیتے ڳئے اقدامات تے مطمئن اے۔ بدھ کوں سری لنکن ہائی کمیشن اچ ملاقات دے بعد میڈیا نال ڳالھ مہاڑ کریندیں ہوئیں حافظ محمد طاہر محمود اشرفی آکھیا جو مولانا طارق جمیل سری لنکن ہائی کمشنر نال سیالکوٹ دے واقعے تے افسوس کیتے آئن۔ مولانا طارق جمیل ہائی کمشنر نال ملاقات اچ آکھیا جو اساں سیالکوٹ سانحہ تے شرمسار ہیسے اتے معذرت کریندوں۔ اساں سری لنکا دے لوکاں دا وی شکریہ ادا کریندوں۔
.jpg)
