اسلام آباد۔7جون(اے پی پی) پاکستان مقبوضہ جموں و کشمیر اچ انسانی حقوق دی خلاف ورزیاں تے بھارت دا احتساب کرݨ دے مطالبے دا اعادہ کریندے ہوئیں آکھیے جو گزریل ترائے ݙھاکیں اچ بھارتی فورسز دی حراست اچ ہݨ تئیں 7 ہزار توں ودھ کشمیری شہید تھی چکن ۔ دفتر خارجہ دی ترجمان ممتاز زہرہ بلوچ اپݨی ہفتہ وار پریس بریفنگ اچ مقبوضہ کشمیر دے ضلع پلوامہ اچ پولیس اسٹیشن اچ ھک کشمیری شہری دی ہلاکت دے واقعہ تے تفصیلی ڳالھ مہاڑ کیتی ۔ انہاں آکھیے اے آپݨی اپنی نوعیت دا پہلا واقعہ کائنی کیوں جو گزریل ترائے ݙھاکیں اچ مقبوضہ کشمیر اچ حراست اچ تھیوݨ آلیاں ہلاکتاں دی تعداد 7000 توں ودھ ڳئی اے ۔ انہاں اقوام متحدہ دی سلامتی کونسل دی قرارداداں دے مطابق جھیڑا جموں و کشمیر دے منصفانہ تے پرامن حل سانڳے کشمیری عوام دی مسلسل سیاسی، سفارتی اتے اخلاقی حمایت دا اعادہ کریندے ہوئیں اقوام متحدہ دی جنرل اسمبلی دے 182 ارکان دی بھاری حمایت نال 26۔2025 دی مدت سانڳے اقوام متحدہ دی سلامتی کونسل دے غیر مستقل رکن دی حیثیت نال پاکستان دے انتخاب کوں اجاگر کیتے۔ انہاں ارکان بالخصوص ایشیا پیسفک گروپ دے اعتماد تے انہاں دا شکریہ ادا کیتے۔ انہاں میڈیا کوں ݙسائے جو پاکستان سلامتی کونسل اچ جھیڑیں دے پرامن حل، یکطرفہ طاقت دے استعمال دی مخالفت، ہر قسم دی دہشت گردی دا مقابلہ، اقوام متحدہ دی امن کوششاں دی حمایت، علاقائی اتے بین الاقوامی بحراناں دے حل اتے جمہوریت، شفافیت اتے احتساب کوں ودھاوݨ اچ آپݨا کردار نبھاوے ۔ ترجمان دفتر خارجہ فلسطینی پناہ گزیناں کوں پناہ ݙیوݨ آلے اقوام متحدہ دے زیرانتظام سکول تے اسرائیلی فورسز دی ہولناک بمباری دی شدید مذمت کیتی جیں دے نتیجے اچ تریمتاں تے ٻالاں دی اموارت تھئن ۔ شہری آبادی اتے تنصیبات کوں ڄاݨ ٻجھ تے نشانہ بݨاوݨ بین الاقوامی قوانین دی سنگین خلاف ورزی اتے جنگی جرائم دے زمرے اچ آندے انہاں مسجد اقصیٰ دے احاطے تے سینکڑاں اسرائیلی انتہا پسنداں دے حملے دی مذمت کریندے ہوئیں آکھیے جو اے قابض حکام دی ذمہ واری اے جو او مذہبی مقامات دا احترام کرن۔
.jpg)
