اسلام آباد۔19جنوری (اے پی پی):محکمہ موسمیات آکھیے جو پنجاب دے میدانی علاقیں اچ اڄ ٻدھ کوں کوہیڑ پووݨ دا امکان اے جݙاں جو کشمیر، گلگت بلتستان، اتلے خیبرپختونخوا اتے شمالی بلوچستان اچ موسم ودھ سارا ٹھڈا تے ملک دے بئے علاقیں اچ موسم رکھا تے ٹھڈا رہسی ۔ محکمہ موسمیات موجب 24 گھنٹے وچ پورے ملک دے ودھ سارے علاقیں اچ موسم رکھا تے ٹھڈا جݙاں جو شمالی بلوچستان تے اتلے علاقیں اچ ودھ سارا پالا پیا پنجاب دے کجھ میدانی علاقیں اچ کوہیڑ پئی ۔منگل کوں ریکارڈ کیتے ڳے گھٹ توں گھٹ درجہ حرارت دی رپورٹ دے مطابق اسکردو اچ درجہ حرارت منفی 12، گوپس، لہہ منفی 11، اننت ناگ، استور منفی 9، بگروٹ منفی 6، ہنزہ، پاراچنار اتے کالام اچ منفی 5 ڈگری سینٹی گریڈ ریکارڈ کیتا ڳے ۔
