اسلام آباد۔13جولائی(اے پی پی)کیوبا پاکستان اچ کورونا ویکسین دی تیاری کیتے مرکز ٻݨاوݨ دی پیش کش کیتی اے جیکوں ملک اچ استعمال کرݨ دے نال نال برآمد وی کیتا ونڄ سڳسی۔ اے پیشکش کیوبا دے سفیر زینر جیویر گونزالیز وفاقی وزیر سائنس و ٹیکنالوجی شبلی فراز نال ملاقات اچ کیتی۔ انہاں کورونا دا مقابلہ کرݨ کیتے آپݨی حکومت ولوں اقدامات تے الایا۔ وفاقی وزیر ݙوہاں ملکاں وچال مختلف شعبیاں خصوصاً سائنس و ٹیکنالوجی اچ تعاون ودھاوݨ تے زور ݙتے۔ وفاقی وزیر کیوبا ولوں پاکستانی طلبا کیتے میڈیکل اسکالرشپ دے پروگرام دی وی تعریف کیتی۔
