راولپنڈی۔28مئی(اے پی پی) پاک فوج یوم تکبیر دی سلور جوبلی تے سائنسداناں تے انجینئراں کوں سلام پیش کریندے ہوئیں آکھیے اڄ دے ݙینھ خطے اچ طاقت دے توازن کوں نویں شکل ݙتی ڳئی ۔ اتوار کوں آئی ایس پی آر توں جاری بیان موجب مسلح افواج انہاں شاندار اذہان کوں زبردست خراج تحسین پیش کیتے جنہاں اوکھے چیلنجاں دے باوجود گھٹ توں گھٹ دفاعی صلاحیت دے حصول اچ شاندار کامیابی حاصل کیتی۔مسلح افواج انہاں سائنسداناں تے انجینئرز کوں سلام پیش کریندی اے جنہاں ناممکن کوں ممکن بݨایا اتے اینکوں حقیقت اچ بدل ݙتا۔انہاں آکھیے پوری پاکستانی قوم یوم تکبیر دی سلور جوبلی منیندی پئی اے تے اے قابل اعتبار گھٹ توں گھٹ دفاعی صلاحیت دے حصول دی شاندار کامیابی دی یاد اے۔ایں کامیابی ساݙے خطے اچ طاقت دے توازن کوں نویں شکل ݙتی ڳئی ۔
