اسلام آباد۔11ستمبر(اے پی پی) وفاقی وزیر خزانہ تے محصولات سینیٹر محمد اورنگزیب آکھیے ڈھانچہ جاتی اصلاحات پائیدار اقتصادی ترقی اتے استحکام یقینی بݨاوݨ سانڳے اہم ہن جیڑھے حکومت دی پالیسی ایجنڈے دا سنگ بنیاد اے۔ اے ڳالھ انھاں سعودی عرب دے سفیرنواف بن سعید المالکی کوں آکھی جنھاں فنانس ڈویژن اچ انھاں نال ملاقات کیتی ۔ انھاں ایں ڳالھ تے زور ݙتے جو ڈھانچہ جاتی اصلاحات پائیدار اقتصادی ترقی اتے استحکام کوں یقینی بݨاوݨ سانڳے اہم ہن جیڑھے حکومت دے پالیسی ایجنڈے دا منڈھ اے ۔ سینیٹر اورنگزیب مملکت سعودی عرب دی طرفوں پاکستان سانڳے مسلسل اقتصادی تعاون دا شکریہ ادا کیتا تے سعودی سرمایہ کاراں دی طرفوں پاکستان دے نجی شعبے نال جوائنٹ وینچرزتے کاروباری تعاون اڳوں ودھاواݨ اچ نویں دلچسپی کوں نشابر کیتا ۔ وفاقی وزیر اڄوکے سال اپریل اچ آپݨے دورہ واشنگٹن اچ سعودی عرب دے وزیر خزانہ محمد الجدعان اتے سعودی فنڈ ترقی (ایس ایف ڈی ) دے سی ای او سلطان عبدالرحمن المرشد نال آپݨی نتیجہ خیزملاقاتاں کوں وی یاد کیتا ۔ انھاں مئی اچ اعلیٰ سطحی تجارتی وفد دے سعودی عرب توں پاکستان دے دورے دے اہم نتیجے وی ݙسائے جیں دا مقصد سرمایہ کاری دے موقع ڳولݨ، ݙوطرفہ تعاون ودھاوݨ تے مختلف شعبیں اچ شراکت داری ودھاوݨ اے۔ ملاقات اچ سینیٹر اورنگزیب پاکستان دی مثبت اقتصادی رفتار دا خاکہ پیش کیتا جیں اچ اہم اشاریں دا حوالے ݙتے جیں کوں کرنسی دے استحکام، مہانگ گھٹ تھیوݨ ، ترسیلات زر اچ ودھارا ، کرنٹ اکاؤنٹ خسارے دا محتاط انتظام اتے زرمبادلہ دے ذخیرے ݙو مہینے دی درآمدات کوں پورا کرݨ سانڳے کافی ہن ۔ نواف بن سعید المالکی ساختی اتے ادارہ جاتی اصلاحات دے نفاذ اچ حکومت پاکستان دیاں کوششاں دی تعریف کیتی تے پاکستان دی اقتصادی ترقی اچ حصہ پاوݨ سانڳے مملکت دے غیر متزلزل عزم دا اعادہ کیتا۔ سفیر ݙوہیں ملکاں وچال سرمایہ کاری تے کاروباری موقع دے ٻہوں امکانات کوں وی منیا ۔ انھاں عندیہ ݙتے جو آندے مہینیں اچ سعودی تجارتی وفد دا پاکستان دا دورہ متوقع اے تاں جو سانجھے منصوبیں تے اشتراکی سرمایہ کاری دے شعبیں کوں مزید ڳولیا ونڄ سڳے
