اسلام آباد۔4جنوری (اے پی پی):پارلیمانی سیکرٹری وزارت قومی صحت سروسز ڈاکٹر نوشین حامد آکھیے جو نواں ویرینٹ اومیکرون پاکستان اچ تکھے کھنڈ سڳدے، کورونا دے مثبت کیسز دی شرح اچ مسلسل ودھارا تھیندا پئے،منڳل کوں آپݨے ھک انٹرویو اچ انہاں آکھیے جو نویں ویرینٹ دی احتیاطی تدابیر تےعلاج پہلے آلا ہی اے۔ انہاں آکھیے جیڑھے لوک احتیاط نہ کریسن تاں اساں اومیکرون دی ھک وݙی لہردے پاسے چلیے ویسوں ۔ ایں ویلھے اومیکرون کوں روکݨ کیتے احتیاطی تدابیر اختیارکرݨ ٻہوں ضروری اے ۔ ماسک دا استعمال ، سماجی فاصلہ ، ہتھاں دا باقاعدگی نال دھووݨ ، غیر ضروری اتے رش آلیاں جاہواں تے وںڄݨ توں گریز کرݨ ٻہوں ضروری اے انہاں آکھیے جو ایندے توں بچݨ کیتے ویکیسن وی اوھا اے تے احتیاطی تدابیر وی اوہے ہن، انہاں تے عمل کر تے ہی ایں وبا توں محفوظ رہیا ونڄ سڳدے ، انہاں آکھیے جو پاکستان اچ اومیکرون دے کیسز ودھݨ لڳئن جے لوکاں احتیاط نہ کیتی تاں اساں ول ھک نویں لہر دے پاسے ٹر ویسوں۔
