اسلام آباد۔12جون (اے پی پی):نیشنل ڈیزاسٹر مینجمنٹ اتھارٹی (این ڈی ایم اے) دے چیئرمین لیفٹیننٹ جنرل انعام حیدر ملک دی صدارت سمندری طوفان بائپر جوائے دی پیشگی تیاری اتے ممکنہ اثرات دے تدارک کیتے قومی رابطہ کانفرنس تھئی۔ قومی رابطہ کانفرنس پی ڈی ایم اے سندھ، کراچی دے مرکزی دفتر اچ تھئی۔ کانفرنس اچ ’ٻہوں شدید سمندری طوفان‘ بائپر جوائے دی پیشرفت اتےممکنہ خطرات نال نبڑݨ کتیے پیشگی تیاریاں بارے جائزہ ڳھدا ڳیا۔ کانفرنس اچ متعلقہ سٹیک ہولڈرز دے نمائندے بشمول سیکرٹری حکومت سندھ، پاک نیوی، فائیو کور، پاکستان کوسٹل گارڈز ، صوبائی تے ضلعی ڈیزاسٹر منیجمنٹ اتھارٹیز ،کام کوسٹ، کے-الیکٹرک، پاکستان میرین سیکورٹی اٹھارتی ، فشریز ڈیپارٹمنٹ، اقوام متحدہ دے نمائندے، نیشنل انسٹی ٹیوٹ آف اوشیانوگرافی، ریڈیو پاکستان اتے اے پی پی شریک تھیے۔ اجلاس اچ محکمہ موسمیات ݙسیا جا ہائپر جوائے دا منہ پچھلے 12 گھنٹیاں اچ ٻیا شمال آلے پاسے ودھ ڳے اتے ہݨ اے کراچی دے جنوب اچ تقریباً 600 کلومیٹر ، ٹھٹھہ توں 580 کلومیٹر جڈانجو اورماڑہ توں 710 کلومیٹر جنوب مشرق اچ اے۔ سمندری ہوائیں 160-180 کلومیٹر فی گھنٹہ دی رفتار نال چلدی پی اے جڈانجو سسٹم دے مرکز دے نیڑے ݙو سو کلومیٹر فی گھنٹہ دی رفتار نال ہوائیں چلدی پئن۔ بائپر جوائے 14 جون دی سویل سویلے تئیں ٻیا شمال آلے پاسے رخ کریسی، ولا شمال مشرق آلے پاسے مڑ تے کیٹی بندر (جنوب مشرقی سندھ) وچال لنڳھسی۔ ایں نال کراچی اچ سو ملی میٹر توں ودھ مینہ اتے سجاول، بدین اتے ٹھٹھہ اچ 300 توں 400 ملی میٹر شدید مینہ وسݨ دا امکان اے۔ نیشنل ایمرجنسیز آپریشن سنٹر اپݨٰی اپ ڈیت اچ سمندری طوفان دے ممکنہ اثرات دے خطرات بارے تفصیل ݙسائی۔ چیئرمین این ڈی ایم اے صوبائی اتے ضلعی ڈیزاسٹر مینجمنٹ اتھارٹیز کوں ہدایت کیتی جو او مقامی سطح تے ضروریات دا جائزہ ڳھنن اتے فرضی مشقاں کرن۔ انہآں فورم کوں ݙسیا جو این ڈی ایم اے پی ایم ڈی، پی ڈی ایم اے سندھ اتے بلوچستان، پاکستان نیوی، پاکستان میری ٹائم سیکیورٹی اتھارٹی (پی ایم ایس اے)، پاکستان کوسٹ گارڈز (پی سی جی) نال رابطہ اے جیڑھے جو قومی اتے صوبائی سطح تے سارے اسٹیک ہولڈرز کوں ایڈوائزری اتے گائیڈ لائنز جاری کریندے پن۔
