راولپنڈی۔24فروری (اے پی پی):چیف آف آرمی سٹاف جنرل قمر جاوید باجوہ نال پاکستان اچ ازبکستان دے سفیر ایبک عارف عثمانوف خمیس کوں اتھاں جی ایچ کیو اچ ملاقات کیتی۔ ملاقات اچ سانجھی دلچسپی دے امور، علاقائی سلامتی دی صورتحال اتے ݙوہیں ملکاں وچال ݙو طرفہ تعاون تے ڳالھ مہاڑ کیتی ڳئی اے ۔ پاک فوج دے شعبہ تعلقات عامہ (آئی ایس پی آر) موجب آرمی چیف آکھیے جو پاکستان ازبکستان دے نال آپݨے تعلقات بالخصوص دفاعی تعاون کوں قدر دی نگاہ نال ݙیکھدے ۔ ملاقات اچ خطے اچ امن و سلامتی کیتے کوششاں سودھے ݙو طرفہ تعلقات کوں مزید ودھاوݨ دی خواہش دا اعادہ کیتا ڳئے ، ایں موقع تے ازبکستان دے سفیر علاقائی استحکام اچ پاکستان دے کردار دی تعریف کیتی تے ݙوہیں بھرا ملکاں وچال بہتر تعلقات کیتے کم جاری رکھݨ دے عزم دا اعادہ کیتے ۔
