اسلام آباد۔26اکتوبر(اے پی پی)وزیراعظم محمد شہباز شریف آکھیے جو بے بنیاد الزام تراشی دی بجائے جوڈیشل کمیشن دی تحقیقات دے نتیجے دی تانڳھ رکھی ونڄے۔ اپݨے ٹویٹ اچ وزیراعظم آکھیا جو عمران نیازی ارشد شریف دے افسوسناک قتل کوں اپݨی گھٹیا سیاست کیتے استعمال کریندا پئے اتے ریاستی اداریاں تے شکوک و شبہات ودھائے ویندے پن، عمران خان کوں صبر کرݨا چاہیدے اتے بے بنیاد الزامات لاوݨ دی بجائے واقعے بارے ٻݨائے ڳئے جوڈیشل کمیشن دی تحقیقات دے نتائج آوݨ دا انتظار کرݨا چاہیدے۔
