اسلام آباد۔26اکتوبر (اے پی پی):وفاقی وزیر امور کشمیر و گلگت بلتستان علی امین خان گنڈاپور آکھیے جو پاکستان اقوام متحدہ دی سلامتی کونسل دیاں قرارداداں اتے کشمیریاں دی خواہشات دے مطابق مسئلہ کشمیر دے پرامن حل کیتے اپݨی بھر پور حمایت جاری رکھیسی ،74 سال پہلے اڄ (27اکتوبر)دے ݙینھ قابض بھارتی افواج کشمیر تے غیر قانونی قبضے اتے کشمیری عوام کوں محکوم بݨاوݨ کیتے سارے عالمی قوانین اتے انسانی حقوق کوں ھک پاسے رکھیندے ہوئیں سرینگر اچ داخل تھیاں ،کشمیر تے بھارتی قبضہ دے خلاف (27اکتوبر)کوں منائے ونڄݨ آلے یوم سیاہ دے موقع تے آپݨے پیغام اچ انہاں آکھیے جو کشمیر دے بہادر عوام ایں غیر قانونی قبضہ دے خلاف مسلسل مزاحمت دا مظاہرہ کیتے – انہاں آکھیے جو اڄ نہتے کشمیری نو لکھ مسلح بھارتی افواج دے ظلم و ستم دے سامݨے بے خوف کھڑن اتے کشمیریاں دی اے مقامی اتے نہ ختم تھیوݨ آلی انتھک جدوجہد ثابت کریندی اے جو کشمیریاں دے عزم کوں کہیں قسم دے جبر توں کچلیا نی ونڄ سڳدا ۔
