کوئٹہ۔ 19 اکتوبر (اے پی پی) نگران وفاقی وزیر تعلیم و پروفیشنل ٹریننگ مددعلی سندھی آکھیے ملک اچ ساریں توں ودھ بلوچستان اچ ٻال سکولاں توں ٻہر ہن ،پنجاہ سال دے مسئلے ھک ݙینھ اچ نی حل کرسڳدے لیکن وفاقی حکومت صوبے اچ معیاری تعلیم دے ودھارے سارے ہر ممکن اقدامات کریسی ۔اے ڳالھ انہاں سردار بہادر خان ویمن یونیورسٹی اچ طالبات کوں لیپ ٹاپ ݙیوݨ دی تقریب توں خطاب کریندے ہوئیں آکھی اے ۔ ایں موقع تے وائس چانسلر سردار بہادر خان ویمن یونیورسٹی پروفیسر ڈاکٹر ساجدہ نورین،ڈائریکٹر جنرل نیوٹیک علی بخش مگسی،ڈائریکٹر جنرل ہائیر ایجوکیشن پروفیسر ڈاکٹر ظہور احمد بازئی وی موجود ہن ۔نگران وفاقی وزیر تعلیم مدد علی سندھی آکھیے اساں بلوچستان دے طالبیں دے مسئلے کوں مکاوݨ کیتے اتھاں پڄوں ۔ ماضی دیاں حکومتاں تعلیم تے زیادہ توجہ نی ݙتی تے نہ ہی ایں کیتے زیادہ فنڈ ز رکھیےڳئن، ساݙی کوشش اے جو بلوچستان دی جامعات دے مسئلے حل کرݨ سانڳے سنجیدگی نال اقدامات کیتے ونڄن۔
