اسلام آباد۔31جنوری(اے پی پی)صدر مملکت ڈاکٹر عارف علوی آکھیے جو ملک دے نینگر تعلیم، دانش اتے اعلیٰ اخلاق نال قوم دی تقدیر وٹا سڳدن، پاکستان کوں مسلیاں دے دے حل کیتے قیادت اتے دانش دے درست استعمال دی لوڑھ اے۔ اے ڳالھ انہاں اسلام آباد اچ علامہ اقبال اوپن یونیورسٹی دے کانووکیشن نال خطاب اچ آکھی۔ صدر مملکت آکھیا جو چین دی ترقی تعلیم و صحت دی بنیاد تے تھئی اے، صرف وسائل نال ملک ترقی نئیں کریندے ٻھل انسانی وسائل اتے درست فیصلاں نال قوماں دی تقدیر بدل ویندی اے۔ یونیورسٹی دے کامیاب گریجویٹس کوں ملک دی اشرافیہ قرار ݙیندے انہاں آکھیا جو اینڄھے ملک اچ گریجویٹ ڈگری ڳھدی اے جتھاں 44 فیصد یعنی تقریباً 26 ملین توں ودھ ٻال سکولاں توں ٻاھرو ہین، سارے علاقائی ملکاں اچ سکول ونڄݨ آلے ٻالاں دا تناسب 98 فیصد اے، انہاں ٻالاں کوں سکول ٻھیڄݨ کیتے ٻئے 50 ہزار سکولاں دی لوڑھ پوسی ڄیڑھی ملک اچ وسائل دی دستیابی سانڳے سوکاھ کم نئیں، سکول نا ونڄݨ آلے ٻالاں کوں تعلیم ݙیوݨ کیتے ملک دیاں تقریباً 3 لکھ مسیتاں توں فیدہ چاتا ونڄ سڳدے۔
