فیصل آباد۔ 16 فروری (اے پی پی) محکمہ موسمیات 17 فروری دی رات توں 21 فروری تئیں ملک دے اُتلے تے ادھلے علاقیں اچ تکھی ہوا تے کھمݨ نال مینھ ، پہاڑاں تے برف باری جݙاں جو کجھ جہیں تے ڳڑھا وسݨ دی وی پیشگوئی کیتی اے ۔ محکمہ موسمیات دے ترجمان موجب مغربی ہوائیں دا سلسلہ 17 فروری دی رات توں ملک دے مغربی علاقیں اچ داخل تھیسی تے 18 فروری کوں ملک دے ٻہوں سارے اُتلے تے ادھلے علاقیں کوں آپݨی وکیڑ اچ گھنسی جیں پاروں 17توں 21 فروری تئیں فیصل آباد، جھنگ، منڈی بہاؤالدین، میانوالی، خوشاب، سرگودھا، گجرات، حافظ آباد، گوجرانوالہ، سیالکوٹ، نارووال، لاہور، قصور، اٹک، جہلم، چکوال،مری، گلیات، اسلام آباد، راولپنڈی اچ تکھی ہوا تے کھمݨ نال وقفے وقفے نال تکھا موسلا دھار مینھ وسݨ تے پہاڑاں تے برف پووݨ دا امکان اے ۔ انہاں ݙسائے جو گلگت بلتستان اچ 17توں 21 فروری تئیں دیامیر، استور، غذر، اسکردو، ہنزہ، گلگت، گانچھے، شگر اتے کشمیر دے علاقیں وادی نیلم، مظفر آباد، پونچھ، ہٹیاں، باغ، حویلی، سدھنوتی، کوٹلی، بھمبر، میر پوراچ تکھی ہوا تے کھمݨ نال وقفے وقفے نال وچلے درجے تے تکھا موسلا دھار مینھ وسݨ تے پہاڑاں تے برف پووݨ دا امکان اے ۔ایں توں انڄ خیبر پختونخواہ دے علاقیں اچ 17 توں 20 فروری دے دوران چترال، دیر، سوات، ایبٹ آباد، مانسہرہ، ہری پور، کوہستان، شانگلہ، بونیر، کرک، خیبر، پشاور، چارسدہ، نوشہرہ، صوابی،باجوڑ، کرم، وزیرستان، کوہاٹ، بنوں اتے ڈیرہ اسماعیل خان اچ تکھی ہوا گھلݨ تے کھمݨ نال وقفے وقفے نال وچلا تے تکھا مینھ وسݨ دے نال پہاڑاں تے برف پووݨ دا امکان اے ۔ جݙاں جو ایں دوران کجھ جہیں تے ژالہ باری دی وی توقع اے۔ایں توں انڄ 18 اتے 19 فروری کوں ملتان، بھکر، کوٹ ادو، لیہ، راجن پور، اورڈیرہ غازی خان اچ تکھی ہوا گھلݨ دے نال ہلکا مینھ وسݨ دا امکان اے ۔ انہاں ݙسائے جو بلوچستان اچ 18 فروری دی شام یا رات اتے 19 فروری کوں کوئٹہ زیارت، چمن، پشین، قلعہ عبداللہ، قلعہ سیف اللہ، ژوب، شیرانی، بارکھان، موسیٰ خیل اتے کوہلو اچ ہوا گھلݨ دے نال اتے کھمݨ نال مینھ وسݨ دا امکان اے ۔ اتے سندھ اچ 18 توں 20 فروری دے دوران جنوبی علاقیں اچ موسم رکھا رہݨ دے علاوہ اندھاری گھلݨ تے تکھی ہوا گھلݨ دا امکان اے ۔
