اسلام آباد – 12 – سيپٽمبر (اي پي پي) وزيراعظم محمد شهباز شريف سان قومي اسيمبلي ميمبرن ڊاڪٽر ذوالفقار ڀٽي، چوڌري افتخار نذير، راڻا ارادت شريف، واجا پلين بلوچ، راڻا محمد حيات ۽ شيخ آفتاب احمد ملاقات ڪئي. وزيراعظم آفيس جي ميڊيا ونگ پاران جاري بيان موجب ملاقات ۾ قومي اسيمبلي ميمبرن وزيراعظم کي پنهنجي لاڳاپيل تڪن ۾ جاري عوامي ڀلائي جي منصوبن تي اڳڀرائي بابت آگاهه ڪيو. قومي اسيمبلي ميمبرن ملڪ ۾ تازي معاشي استحڪام تي وزيراعظم کي خراج تحسين پيش ڪيو. قومي اسيمبلي ميمبرن وزيراعظم جي ملڪي ترقي ۽ عوامي ڀلائي جي خاطر کنيل قدمن ۾ مڪمل تعاون جي عزم جو ورجاءُ ڪيو.
