اسلام آباد 26 اکتوبر (اے پي پي) په نړۍ كښې مېشته كشميريان او پاكستانيان به په مقبوضه كشمير كښې د هند د غېر قانوني تسلط په ضد (نن) د جمعې په ورځ توره ورځ لمانځي۔ په دې ورځ به په آزاد كشمير٬ پاكستان او ګرده نړۍ كښې مېشته كشميريان د هندي ظلم ٬ تشدد او د غاصبانه قبضې په ضد احتجاجي لاريونونه او مظاهرې كوي۔ د ملګرو ملتونو د عمومي سېكتر په نامه به يادښتونه وړاندې كولې شي۔ دا خبره دې ښكاره وي چې د هند د وېش په موقع د يو منظم سازش له مخې په كشمير د هند قبضې لپاره د ګورداسپور د مسلمانانو اكثريتي سيمه د هند په نقشه كښې شامل كړې شوه چې ورسره هند ته په كشمير لښكر كشۍ لپاره د زمكې لاره ترلاسه شوه او په 27م اكتوبر هندي ځواكونو د كشمير په آزادۍ او خپلواكۍ تورتم جوړولو سره په رياست قبضه وكړه٬ كشميريانو كله هم د هند تسلط نه دے قبول كړے او ھغوي د لكونو په شمېر قربانو وركولو باوجود د هند څخه د آزادۍ لپاره خپلې سوله ايزې هڅې روانې ساتلې دي۔ نړيواله ورورولي په دهوكه كښې ساتلو لپاره هند كشمير اټوټ انګ ګرځوي۔ هند په دې ښه پوهه دے چې كه نن نه وي نو سبا به ھغوي له د كشمير خاوره پرېښودل وي۔ د هند لخوا د خپل آئين دفعه 370 له مخې كشمير ته د خاص رياست درجه وركول ٬ د مقبوضه كشمير خپل بېرغ او نور حقونه وركول د هند لخوا دا د جلا رياست تسلمولو مترادف دي۔ د هندي پوځ لخوا په بې ګناه كشميريانو د پېلټ ګنز كارولو نه پس اوس د كمڅۍ پرېكولو پېښې د بربريت بدترين مثالونه دي۔ د هند د جبري قبضې په ضد به په مقبوضه كشمير كښې په بشپړه توګه احتجاجي مظاهرې او لاريونونه كولې شي۔ په وفاقي پايه تخت اسلام آباد كښې د كشمير چارو وزارت لخوا د هند د تسلط په ضد بېنرې لګول شوې دي چې پكښې د كشميريانو د آزادې د هڅو د سياسي ٬ سفارتي او د اخلاقي ملاتړ روان ساتلو د عزم څرګندونه شوې۔ د تورې ورځې په موقع به د وفاقي پايه تخت اسلام آباد او پېنډې پشمول په ټول هېواد كښې لاريونونه٬ سېمينارونه او وركشاپورنه كولې شي چې پكښې به په مقبوضه كشمير كښې د هند لخوا كېدونكي ظلمونه په ډاګه كولې شي۔ د دې ورځې په موقع به په مقبوضه كشمير كښې په مكمل توګه كاربندېز ويِ٬ دغسېې د نړۍ په نورو هېوادونو كښې به لاريونونه كولې شي۔ په مقبوضه كشمير كښې ?? كاربندېز خواست سيد علي ګېلاني٬ مير واعظ عمر فارو?? او د محمد ياسين پشمول د حريت مشرانو او د حريت نورو تنظيمونو كړے۔
