اسلام آباد۔14دسمبر(اے پی پی) وزیراعظم محمد شہبازشریف آکھیے حکومت بل اینڈ میلنڈا گیٹس فائونڈیشن نال کم جاری رکھیسی تاں جو ایں امر کوں یقینی بݨایا ونڄ سڳے جو کوئی وی ٻال پولیو جیہے خطرناک وائرس دا شکار نہ تھیوے ۔ ٻدھ کوں آپݨے ٹویٹ اچ وزیراعظم آکھیے جو گزریل رات انہاں دی بل گیٹس دے نال فون تے ڳالھ مہاڑ تھئی جیں اچ پاکستان دے سیلاب توں متاثرہ علاقیں اچ پولیو مکاوݨ دے رستے اچ آندیاں رکاوٹاں تے ڳالھ مہاڑ کیتی ڳئی اے ۔ وزیراعظم آکھیے جو او انسداد پولیو کیتے بل گیٹس دے مسلسل تعاون تے انہاں دے شکر گزار ہن۔
