بغداد ۔6جون (اے پی پی) وزیر خارجہ بلاول بھٹو زرداری عراق دے ترائے ݙینھ دے سرکاری دورے تے منگل کوں عراقی پارلیمنٹ دے سپیکر محمد ریکان الحلبوسی نال ملاقات کیتی۔ دفتر خارجہ موجب ملاقات اچ پاکستان اتے عراق وچال تعلقات اتے ݙوپاسہ معاملیاں تے ڳالھ مہاڑ تھئی۔ ملاقات اچ ایں ڳالھ تے اتفاق کیتا ڳیا جو پاکستان اتے عراق وچال پارلیمانی شعبے اچ تعاون ݙوہیں ملکاں دے برادرانہ تعلقات اچ ودھارے دا باعث ٻݨسی۔ وزیرخارجہ آکھیا جو پاکستان اتے عراق وچال اعلیٰ سطح پارلیمانی رابطے ہک ݙوجھے دے تجربیاں توں فائدے کیتے اہم ہن۔
